In ichpokameh wan tepokameh kisaskeh itech Licenciatura pan Enfermería, onomachtihkeh ika se nemilisti tin nopalewiya itech UNESCO wan nosenmoyawa sansehkan wan inkitokayotia Modelo de Universidad Intercultural. Kipiyaskeh miyek tanemilisti, tekichiwahli, wan tetakaittaskeh ihki weliskeh:

Tamachilisti

• Kipiyaskeh miyek tamachilisti ika: morfología wan fisiología celular, bioquímica kan nowipana metabólicos y nutricionales, patología ika teposmeh tekit wan okseki, itech pakiyelisti- kokolisti ipan innemihkayot, in yeknemilisti pan kaltepahtianimeh, kan wel tepalewiskeh wan amochpowaskeh.
• Welis kittasken kan poliwi kichikawlotaskeh ken ma paknemi toweweitahwan, welis kixmatiskeh tin amo kwali yetok ipan altepemeh, te palewiskeh, te yekanaskeh wan kitsakwiliskeh itech xikipili, tepahtili wan kan tepahtilo wan teyekanah kan nopahtilo.
• Welis tepahtiskeh ipan inaltepeh, kan teyekanaskeh ipan yektanemilisti, tin wel kinankilis yolnahmanti ipan kalpanmeh.
• Kismatiskeh kan meya kokolisti wan tintekokoskwitia ipan in yektanemilisti ken tepahtilo ipan kaltepahtiloyan.
• Welis tayekanaskeh kanpa kinemiliskeh kanachimeh suapilmeh wan okichmeh kinpiaskeh in siwahmeh tin tawapawa-pipilmeh, ihki kitemoltiskeh miyek kokolisti, wan kanachimeh yoliwiskeh ipan toyeknemilis.
• Weliskeh nomachtiskeh tin ika tekitiskeh ipan tepahtihke itech weyi altepemeh wan kinekwahlitiskeh ika intamachilis towewitatahtsitsiwan itech senechikowilisti.
• Kinemiliskeh ken kipopoloskeh kokolisti ika se tekit, tin nochiwas techahchan, ihki nosentalis miyek yeknemilisti ipan in altepet.

Tin weliskeh

• Kismatiskeh ken kwak se kwalo wan ipan altepet tetahtoltiskeh ken nosetilia in kokolisti tin wel nopahtia.
• Kichikawaskeh pakiyelisti wan kitsakwuiliskeh kokolisti ipan siwapilmeh wan okichmeh ipan kaltepahtiket.
• Wel kinemiliskeh ken kinpahtiskeh in kokoxkeh, itech inemilis toweyitahwan, kan inminwan nomakitskiskeh ipan miyek nemilisti itech altepek tin kwalo wan pahti itech ipakiyelisti.
• Welis amochpowaskeh wan kweyiliskeh tahtoli itech inemilis tepahtianimeh, yehwameh kinyekanaske kokoxkeh in tin ixkaltiah wan kokonemeh, tin ma yolpakikan wan ma pakayelistikan intech inkal.
• Kisetiliske miyek tekit ipan altepemeh, intekit kixtiskeh ipan se tanechikolisti, tin kittah kan amo kokoliskwiskeh, weliskeh ken tepahtiskeh wan ken tepahtiskeh kan amo kipiah tomin.
• Tetahpiliskeh wan amo kitaskeh ta kineltoka se teot, tas iwan noso takat, akin kineltoka, ta amo kipiya tomin, ken chanti ichan noso tin tahtowa sehwa san kitaskeh keh tepahtiskeh.
• Te ixpantiskeh ken nomachiwaskeh ipan totakayo ipan senechikawayot, itechmiyekeh kalpanmeh wan ken amo kokoliskwiskeh..
• Yehwameh iminwan noyekanaskeh altepeh wan kinmititiskeh ken amo kokoliskwuiskeh itech se koatakat noso ipan sentamati pan altepet.
• Kiyektaliskeh tekit itech kalpanmeh kan nochti tekitiskeh san sekan kan tepahtilos.
• Teyekanaskeh ika intamachilis toweyitawan, wan wel amochtemoskeeh kan nochi kwali mayeyokan totatsitsiwan itech yeknemilisti ipan toaltepe.
• Nomachtiskeh masewaltatoli wan tutunaku ta keman tamih, kinmachtiskeh ken tanemiliyaya toweyitawan, ihki amo poliwis tonemilis, totamachilis wan kin palewiskeh tin amo weli tahtowa caxtilantatoli.

Ken noixpantiskeh

• In nomachtikeh tetakaitaskeh kan tepahtiskeh, wan amo kintawelitaskeh tin amo kipiah tomin, tin amo kineltoka toteotsin, ta ken inakayo noso okseneka tanemilia, yehwameh nochimeh kinmittaskeh.
• Nonechikoskeh ipan se tanemilis kan wel tepahtiskeh, kan niktasohtaskeh itepahtikawan, wan totaltipak, kan tepahtihket temachiwas wan kinmittas kokoxkeh.

Weliskeh tekittiskeh ken tepahtianimeh, teyekanaskeh wan temachtiskeh oksekimeh tepahtihkeh itech kaltepahtiloyan noso itech altepet. In tepahtihkeh.  In tepahtianimeh kinpahtiskeh kokoxkeh tin yetoh itech kalpanmeh altepeh, kwak noiskaltihtokeh, weweixtokeh wan wewemeh, kinmita nananmeh tin taskaltihtokeh, tachichitiah, noso kinwewehiyaltokeh inkonewan tin kipia makwili xiwit; ken tanemiliah ipan in chantakawan, ken kinmittas wewehmeh.